ჯანმრთელობისთვის არაფერია, ისე მნიშვნელოვანი, როგორც სუფთა წყალი. ეს კი ყველასთვის ხელმისაწვდომი არაა. მუქი ფერის, ხილული ორგანიზმებით დაბინძურებულ ონკანის წყალს არაერთხელ შევუშინებივართ და გავუბრაზებივართ. მისი სასმელად გამოყენება დაუშვებელია. გამოსავალი კი მხოლოდ ერთია – წყლის ფილტრები. ონკანის ფილტრი დაბინძურებულ წყალს წმენდს, რითაც არაერთ პრობლემას აგაცილებთ.

გაგიზიარებთ, 5 მიზეზს, თუ რა უპირატესობები აქვს სასმელი წყლის ფილტრაციას: 

1. არასასურველი ნივთიერებებისგან გაწმენდა

ტყვია, პესტიციდები, ბაქტერიები, ვირუსები და მრავალი სხვა ფიზიკური, ქიმიური, ბიოლოგიური თუ რენტგენოლოგიური ნაერთები – ეს ის ნივთიერებებია, რომელიც შესაძლოა ონკანის წყალში შეგვხვდეს. წყლის ფილტრები კი, წყალს ამგვარი ნივთიერებებისგან წმენდს. 

2. ჯანმრთელობის დაცვა

წყალში ბაქტერიებისა და ვირუსების შემცველობამ შეიძლება, გამოიწვიოს ჯანმრთელობის სერიოზული პრობლემები და ისეთი დაავადებები, როგორიცაა: დიარეა, ქოლერა და დიზენტერია. ამ პრობლემების ასარიდებლად ყველაზე ეფექტიანი გზა უკუოსმოსური წყლის ფილტრის გამოყენებაა. მისი მემბრანების ფორები რამდენიმე ნანომეტრია, რაც საკმარისად მცირეა ვირუსის/ბაქტერიების შესაკავებლად. გარდა ამისა, ის წყალს ათავისუფლებს ისეთი ქიმიური დამაბინძურებლებისგან, როგორიცაა: ნატრიუმი, ქლორიდები, კაცლიუმი, მაგნიუმი სპილენძი და ტყვია. ასევე, არბილებს წყალს რის შემდეგაც, ჩაიდანი ნადებს აღარ იკეთებს. 

3. ეკონომია

წყლის ფილტრაციის ალტერნატივა დაფასოებული წყლის შეძენაა, რაც დიდ ხარჯებთანაა დაკავშირებული. ჩამოსხმული წყალი თითქმის 100-ჯერ აღემატება ონკანის წყლის ფასს. თუ ონკანზე ფილტრს დააყენებთ,3 წლის მანძილზე,  საშუალოდ 3000 ლარს დაზოგავთ. დეტალური ხარჯთაღრიცხვისთვის, წაიკითხე ჩვენი ბლოგი აქ. 

4. წყლის გემოსა და სუნის გაუმჯობესება

ონკანის წყლის არასასიამოვნო სუნი და გემო 2 მიზეზითაა გამოწვეული: ქლორი, რომელსაც საწმენდად იყენებენ და სულფიდები, რომელიც გაფუჭებული კვერცხის სუნს ტოვებს. წყლის ფილტრით ამ პრობლემასაც მოაგვარებთ. თქვენი ონკანის წყალს სასიამოვნო სუნი და უკეთესი გემო ექნება. 

5. გარემოს დაცვა 

ბოლო ათწლეულში, ჩამოსხმული წყლის გამოყენება 10%-ზე მეტით გაიზარდა. ბოთლის წყალი მოსახერხებლად ითვლება,  მაგრამ პინის მეორე მხარეს ეკოლოგიური პრობლემები დგას, რაც პლასტმასის გადაყრასთანაა დაკავშირებული. ბოთლირებული წყლის შეძენის ნაცვლად, ონკანზე ფილტრის დაყენებით გარემოზეც იზრუნებ. 

საერთო ჯამში, წყლის გაწმენდა არის თქვენს ჯანმრთელობაში ჩადებული ინვესტიცია, რითაც ზოგავთ ფინანსებს და უფრთხილდებით გარემოს. წყლის ფილტრების არაერთი სახეობა არსებობს. თუ გსურთ, მეტი გაიგოთ წყლის ფილტრების შესახებ, დაგვიკავშირდით და მიიღე უფასო კონსულტაცია.