სად ვრცელდება და როგორ დავიცვათ თავი ლეგიონელასგან ?

წყალი, რომელსაც სასმელად ვიყენებთ, არაა სტერილური. ის შეიცავს პაწაწინა მიკროორგანიზმებს, რომელთა აღმოჩენაც  შეუიარაღებელი თვალით შეუძლებელია. მათ შორისაა, ლეგიონელა – უხილავი და მომაკვდინებელი ბაქტერია, რომელიც გვხვდება მტკნარი წყლის გარემოში, როგორიცაა ტბები და ნაკადულები.

მათი მცირე რაოდენობა ორგანიმისთვის საშიში არაა, თუმცა რაოდენობის ზრდასთან ერთად, იზრდება რისკიც. 

სად არის ლეგიონელას არსებობის მაღალი რისკი ?

• საცხოვრებელ კომპლექსები
• სკოლები
• საავადმყოფოები 
• და სხვა საზოგადოებრივი დაწესებულებები. 

ხშირად, ასეთ სივრცეებში ავზის წყალს იყენებენ, რომელსაც რეგულარად არ აახლებენ. 

ლეგიონელას გავრცელების არეალია:

• საშხაპეები და ნიჟარის ონკანები
• ცენტრალიზებული ჰაერის გაგრილების სისტემა, ვენტილატორი
• ცხელი აბაზანები
• დეკორატიული შადრევნები 
• ცხელი წყლის ავზები და გამათბობლები
• სანტექნიკის სისტემები
• მანქანის საქარე მინის საწმენდი სითხის ავზი

როგორ ვრცელდება ლეგიონელა?

მას შემდეგ, რაც ლეგიონელა გაიზრდება და გამრავლდება, წყლის სისტემაში იწყებს  გავრცელებას წვეთებით. საკმარისია ადამიანმა შეისუნთქოს, ის პონტიაკის ცხელებით დაავადდება. 

ნაკლებად ხშირად, ადამიანები შეიძლება დაავადდნენ ლეგიონელას შემცველი სასმელი წყლის ასპირაციით. ეს ხდება მაშინ, როდესაც წყლის დალევისას სითხე ფილტვებში მოხვდება. ასპირაციის გაზრდილი რისკის მქონე ადამიანებს მიეკუთვნება ყველა ის ადამიანი, ვისაც საყლაპავი მილის პრობლემა აქვს.

ლეგიონელა ადამიანიდან ადამიანზე იშვიათად გადადის.

თუ 100 მილილიტრ წყალში თვალით ხილული უჯრედების რაოდენობა 100-ზე მეტია, საჭირო ხდება გარკვეული ღონისძიებების გატარება. 

თუ 100 მილილიტრ სასმელ წყალში 100 000 ლეგიონელაზე მეტია, დაუშვებელია შხაპის მიღება, რადგან ის მარტივად ხვდება დუშის სისტემაში. ლეგიონელას შეუძლია ღრმად შეაღწიოს ფილტვებში და გამოიწვიოს მომაკვდინებელი დაავადებები.

როგორ გავასუფთაოთ წყალი ლეგიონელასგან?

სასმელი წყლის ოპტიმალური ჰიგიენისთვის მნიშვნელოვანია რამდენიმე ფაქტორის გათვალისწინება.

მაგალითად, მილსადენების გაწმენდა , თუმცა თუკი წყალმომარაგების სისტემა დაბინძურებულია მავნე ბაქტერიებით, ეს მეთოდი არაეფექტიანი ხდება. 

ლეგიონელასგან და სხვა ბაქტერიებისგან თავდაცვის საუკეთესო გზა სახლში წყლის ფილტრის სისტემის დამონტაჟებაა. ამის რამდენიმე ალტერნატივა არსებობს. 

1. უკუოსმოსის ფილტრაციის სისტემა

სამზარეულოს ნიჟარის ქვემოთ, უკუოსმოსის ფილტრაციის სისტემის დამონტაჟება არამხოლოდ ლეგიონელესაგან, არამედ სხვა, ნებისმიერი დამაბინძურებლისაგან დაგიცავთ. თუმცა მეთოდს უარყოფითი მხარეც აქვს –  მხოლოდ ერთ წერტილზე მონტაჟდება და მცირე წარმადობით გამოირჩევა – 24 საათში 300 ლიტრ სუფთა წყალს გვაწვდის.

2. UV სტერილიზაცია 

სინამდვილეში, მთლიანი სახლისთვის უკუოსმოსის სისტემის დაყენება არ არის საჭირო. 

წყლის ბაქტერიებისგან გასათავისუფლებლად, საკმარისია UV სტერილიზაცია ან სპეციალური დოზატორით ავზში, რეგულარული დაქლორვა. 

UV სტერილიზატორი  ცენტრალურ მილზე მონტაჟდებადა და მთლიან სახლს ბაქტერიებისა თუ ვირუსებისგან გაწმენდილი, სტერილური წყლით ამარაგებს. 

3. შერეული მეთოდი 

თუ ბაქტერიებით დაბინძურების ხარისხი მაღალია, საჭიროა ჯერ დაქლორვა, შემდეგ UV სტერილიზაცია  და სასმელი წყლის მისაღებად კი უკუოსმოსით ფილტრაცია. 

წყარო:

https://judo.eu/en/legionella/
https://www.cdc.gov/legionella/about/causes-transmission.html